平通街(歐陽偉豪)

疫情期間要落街買口罩,正當睇緊邊啲係三層口罩時候,舖頭播放錄音宣傳聲帶,其中一句係「平通街」。呢三個字嘅標語即刻吸引我嘅注意,而我竟然忘記咗要買三層口罩。「平通街」三個字,簡潔凝練,意思係「成條街我最平」,「平」本身係個不及物動詞,按理後面冇賓語,但而家後面直接可以加「通街」。至於「通街」嘅「通」,意思指所有街道,令到形容詞「平」有最高級嘅意思。如果「平通街」換轉成普通話,就要用「整條街我最便宜

更多

維園語法學堂(歐陽偉豪)

肺炎大停課期間,眼見維園球場有好多小朋友踢波,我心諗:日日踢都會踢到腳跛,於是就搞咗個「維園學堂」為高小學生教授中英語法,當中我滲入咗一啲粵語語法嘅概念,想睇下啲小朋友學成點。五次見面講唔同嘅課題,包括:否定式(negation)、可數性(countability)、語態(voice)、時態與體貌(tense and aspect),同埋香港語文現象。   (如欲閱讀全文,可到「網上商店

更多

「得唔得」個得(歐陽偉豪)

有次同中學同學行山,因為車多人多,啲車要泊到啲斜坡邊,地下滿布樹葉。阿叔喺架車入面褪後,阿嬸落車去車尾幫手睇位,阿叔一下一下褪,一路嗌:「得唔得?」阿嬸就嗌翻上去:「得。」阿叔:「得唔得?」阿嬸:「得。」你估到最後呢件事得唔得呢,兩個「得」字,究竟意思同唔同?係咪淨係得呢個用法?得,有動詞用法、助動詞用法。 甲、動詞用法得字本身可以係動詞,例如:一、「得一想三。」二、「小明得到大獎。」呢兩句個得字

更多

語言掩飾猶如防衛機制(歐陽偉豪)

寫緊呢篇稿時,新型冠狀病毒仍然蹂躪緊香港,希望讀者讀到文章時疫情已經受控。喺呢段抗疫期間,高官需要為政策解釋嘅機會特別多,當中有啲掩飾技巧,值得大家學習,畢竟,掩飾可以睇成為自我防衛機制(defense mechanism),其實係好自然不過。一月二十五日特首開記者會交代抗疫措施,我只討論佢嘅表達技巧,內容究竟係咩措施唔重要。一開始,佢就宣布一系列數字:開咗幾多次會,發咗幾多篇新聞稿,幾時幾日持續

更多

語言偽術嘅藝術(歐陽偉豪)

身處大時代嘅社會,好多時聽見好多語言偽術嚟到做包裝,重則你可以講係包庇,輕則就係做市場推廣。近半年嚟,政府唔同部門都講咗一啲維護自己嘅說話,不論你鍾唔鍾意,說話背後嘅原理仍然可以學習,從偽術欣賞背後嘅藝術。 一、「我手頭上無資料」記者要求官員解釋某事件時,佢回應你一句:「我手頭上無資料。」咁樣係好過「無可奉告」,因為「無可奉告」表示我有個解釋,不過唔想答你,聽喺上嚟好冇禮貌;但係「我手頭上無資料」

更多

夠 皮(歐陽偉豪)

十月時同中學同學去日本青森睇紅葉,因為第一次喺外地睇,仲係日本添,深紅嘅、淺紅嘅、黃嘅、枯黃嘅,我哋個個都睇到嘩嘩聲。有日,正當我哋影相自拍時,醫生領隊問我哋夠皮未,我就大煞風景爆咗一句:「夠皮同夠,邊個夠啲呢?」全場靜晒,隨即又再熱鬧起嚟,冇理到我,繼續睇紅葉。而我,就繼續思考「夠皮」呢個問題。「夠皮」嘅「皮」,讀第二聲(pei2),醫生領隊問我哋夠皮未,意思係問我哋:「啲紅葉睇夠皮未?」呢度「

更多

粵語粗口嘅女性地位?(歐陽偉豪)

日常生活無論喺街定喺交通工具上,我哋聽到女性講粗口嘅機會都多過以前。尤其近呢幾個月,社會運動熱血沸騰,有一次喺太古地鐵站入面,企滿街坊,齊齊整整大叫:dllm,我從未試過喺中產地區可以聽到咁澎湃嘅粗口大合唱,當中女性佔嘅比例都唔少。 粵語粗口有五個粗口字:一個動詞、四個名詞。   (如欲閱讀全文,可到「網上商店」購買下載版,或到各大書報攤購買印刷本。)

更多

攬 炒(歐陽偉豪)

現時社會運動,熱血沸騰,各方博弈,因而常用「攬炒」嚟表示一鑊熟、同歸於盡嘅氣概,例如: 「全面攬炒:圖謀癱瘓經濟亂中奪權」(《文匯報》,二○一九年九月二十八日) 「攬炒」喺呢度係一個比喻,好似喺隻鑊裏面,一齊咁炒,炒到熟咗就同歸於盡,攬住一齊死。我哋要研究下點解有呢個比喻嘅用法。睇睇下面幾個可能: 一、吵大鑊或炒大鑊同人嘈交吵架,嘈到好犀利,咁就叫吵大鑊,例如:我琴日同阿媽吵大鑊。 另外,喺隻大鑊

更多

粵語同音樂劇互相增值(歐陽偉豪)

暑假七月,參演過一個本地創作嘅音樂劇《我們的青春日誌》,故事主線講一個行將退休嘅魔鬼校長點樣催谷學生考試,次線就係男女生互相追求追逐嘅青春校園故事。二十一歲嘅導演仔留學英國,學士、碩士都係修讀戲劇同音樂劇,佢想用西方傳統音樂劇嘅框架,注入香港本地創作嘅元素,全部歌曲都係導演仔親自作曲同作詞。導演仔運用兩文三語嚟填詞,當中嘅粵語歌詞生動突顯青少年嘅關係同潮流產物。首先,校長深情訴說自己對學校嘅感情係

更多

隻 揪(歐陽偉豪)

喺網上有時見到兩邊人爭執,互相挑釁,偶爾會聽到:「夠膽就隻揪。」點樣分析「隻揪」嘅結構呢? 首先,「隻揪」嘅意思係一對一對打,即係單挑、單打獨鬥。「揪」嘅意思好明顯同打、挑、鬥一樣,而「隻」就有一、單、獨嘅意思,例如:隻手遮天、形單影隻、隻字不提,呢幾個「隻」都係有單一嘅意思。 點解「隻」有單一嘅意思?因為「隻」係屬於個體量詞,例如:三隻狗,三個杯,三張紙,「隻」、「個」、「張」都屬於個體量詞,用

更多

專題:推廣粵語 身體力行(歐陽偉豪)

從前在校園,推廣粵語只限於研究與教學,離開之後進入演藝界,直接面對群眾,反而多了機會及渠道推廣粵語。多謝《明報月刊》的邀請,讓我有機會跟大家分享過去一、兩年所做過的點滴。好似由二○一○年開始,叫喊「推廣粵語」、「撐廣東話」這些口號成為一個潮流,口號叫得多就會變得麻木,而忽略口號所盛載的內容。我會問自己,推廣粵語究竟推廣粵語的什麼?語音、詞匯、句法、文化等?還有以什麼方式推粵,以什麼身份推粵,在哪裏

更多